مه‌لا مسته‌فا بارزانی له‌گه‌ڵ وه‌زیری گواستنه‌وه‌ و گه‌یاندن كۆبووه‌وه‌

ئەمڕۆ سێشه‌م مەلا مستەفا مەسعود بارزانی پێشوازی لە ئانۆ جەوهەر وەزیری گواستنەوە و گەیاندنی حکوومەتی هەرێمی کوردستان کرد.

له‌ دیداره‌كه‌دا مەلا مستەفا بارزانی ڕێز و خۆشەویستی خۆی بۆ تەواوی برا کریستیانەکانی کوردستان دەربڕی، هه‌روه‌ها سوپاس و پێزانینی خۆشی بۆ دڵسۆزی و هەڵوێستە نیشتمانپەروەرییەکانی وەزیری گواستنەوە و گەیاندن نیشان دا.

لەبەرامبەریشدا ئانۆ جەوهەر خۆشحاڵی خۆی بەو پێشوازی و دیدارە دەربڕی، و بە درێژی باسی لە بارودۆخی کریستیانەکانی هەرێمی کوردستان کرد کە لەژێر سێبەری سیاسەتی حەکیمانەی سەرۆك بارزانی مەرجەعی کورد و هه‌روه‌ها حکوومەتی هەرێمی كوردستان بە ئاسودەیی و یەکسانی ژیان بەسەر دەبەن.