كه‌شناسی: ئه‌مشه‌ و تا به‌ره‌به‌یان تۆز و خۆڵ ده‌بێت

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ڕه‌وشی كه‌شوهه‌وای ئه‌مڕۆی هه‌ینی شاره‌كانی هه‌رێمی كوردستانی بڵاو كرده‌وه‌ و تێیدا ئاماژه‌ی به‌وه‌داوه‌ كه‌ پێشبینی ده‌كه‌ن له‌ شه‌ودا تا به‌ره‌به‌یانی سبه‌ی شه‌موو تۆز و خۆڵ زیاد ببێت.

كه‌شناسی له‌باره‌ی پێشبینیكردنی كه‌شوهه‌وای ئه‌مڕۆ هه‌ینی ڕایگه‌یاند: ئاسمان بە گشتی ساماڵ دەبێت، لە کاتەکانی ئێوارەشد بەهۆی زیادبوونی خێرایی با ئەگەری بەرزبوونەوەی تۆزوخۆڵ هەیه‌.

ڕاشیگه‌یاند: لە کاتەکانی درەنگانی شەویشدا تاکوبەرە بەیانی سبه‌ی شەموو کاریگەر ی ئه‌م تۆز و خۆڵه‌ زیاتر دەبێت و مه‌ودای بینینیش له‌نێوان 8-6 كم ده‌بێت و له‌ كاتی هه‌ڵكردنی ڕه‌شه‌باش مه‌وداكه‌ بۆ 3-5 كم كه‌م ده‌بێته‌وه‌.

به‌ڕێوه‌به‌رایه‌تی كه‌شناسی پله‌كانی گه‌رمای پێشبینیكراوی ئه‌مڕۆ هه‌ینی شاره‌كانی هه‌رێمی كوردستانی به‌مشێوه‌ی خواره‌وه‌ دیاری كردووه‌:-

هەولێر: 41

سڵێمانی: 40

دهۆک:40

کەرکوک: 44

هەڵەبجە: 41

سۆران: 37

راپەرین: 40

گەرمیان: 44