سێ بوومەلەرزە ئێرانی هەژاندو 24 قوربانی لێكەوتەوە

بەرەبەیانی ئەمڕۆ شەممە سێ بوومەلەرزە بە گوڕی 6.1، 6.2 و 6.3 (بە پێوەری ڕێختەر) ناوچەكانی پارێزگای هۆرموزگانی لە باشووری ئێران گرتەوە.
لەوبارەیەوە ئاژانسی هەواڵی فەرمی ئێران (ئیرنا) لە ئامارێكی سەرەتاییدا بڵاویكردەوە، ژمارەی قوربانیانی سێ بوومەلەرزەكەی ئێران، لە بەرەبەیانی ڕۆژی شەممەدا، لانیكەم بۆ 5 كەس بەرزبووەتەوەو هاوكات 10 كەسیش برینداربوون.
ئاژانسەكە لە زاری مەهدی دووستی، پارێزگاری هۆرموزگانەوە بڵاویكردووەتەوە، كە بوومەلەرزەكە بووەتە هۆی گیان لەدەستدان و برینداربوونی 24 كەس لە گوندەكانی بەندەری خەمیر . 
پارێزگاری هۆرموزگان ڕوونیشی كردۆتەوە كە زۆرینەی زیانەكان لە گوندی "سەیە خووش" رویداوە، كە زۆربەی ماڵەكان بەهۆی بوومەلەرزەكەوە وێران بوون.