مەكتەبی سیاسی پارتی، سەرەخۆشی لە خانەوادەی (یاسین عەبدولڕەحمان بەرواری) دەکات

 مەكتەبی سیاسی پارتی دیموكراتی كوردستان، سەرەخۆشی لە خانەوادەی خوالێخۆشبوو (یاسین عەبدولڕەحمان بەرواری) دەکات.

بەڕێزان خانەوادەی خوالێخۆشبوو (یاسین عەبدولڕەحمان بەرواری)

خەمباربووین بە بیستنی هه‌واڵی كۆچی دوایی کەسایەتی دیاری تێکۆشەر و نیشتمانپەروەر، هەڤاڵی خوالێخۆشبوو (یاسین عبدولڕەحمان بەرواری)کارگێڕی لقی ۷ـی پارتیمان لە ئەمریکا.

بەم بۆنە خەمناکەوە پرسە و سه‌ره‌خۆشی خۆمان ئاراسته‌ی خانه‌وادە کوردپەروەر و سەربەرزەکەتان و ته‌واوی کەسوکار و خزم و ئاشنایانی خوالێخۆشبوو و، سەرجەم ھەڤاڵانی لقی ۷ـی پارتیمان لە ئەمریکا ده‌که‌ین و، خۆمان به‌ هاوبه‌شی خه‌متان ده‌زانین.

له‌ خودای گه‌وره‌ داواکارین دڵنه‌وایی و ئارامیی بەھەموو لایەک ببه‌خشێت و، گیانی ھەڤاڵی كۆچكردوویش به‌ر دلۆڤانی خۆی بخات و به‌ به‌هه‌شتی به‌رینی شاد بکات.

انا للە و انا الیە راجعون

مەكتەبی سیاسی پارتی دیموكراتی كوردستان