بەڕێوەبەری ناحییەی قادر کەرەم لەبارەی ئەو دەنگۆیانەی کە باس لە پێشڕەوی هێزێکی سوپای عێراق دەکات ڕایگەیاند، هیچ هێزێکی سوپای عێراق نەهاتوونەتە سنووری قادر کەرەم، بەڵکو هێزەکە هاتوونەتە سنووری نەوجووڵ و زینانە لە نزیک دووزخورماتوو.
سەبارەت بە هاتنی هێزێکی سوپای عێراق بۆ سنووری قادر کەرەم، حاکم سدیق محەمەد بەڕێوەبەری ناحییەکە تایبەت بە (کوردستان تیڤی) ڕاگەیاند: هیچ هێزێکی سوپای عێراق نەهاتوونەتە سنووری قادر کەرەم و دوورن لە سنووری ناحییەکە.
ڕاشیگەیاند: هێزی پێشمەرگەی کوردستان لە سنووری ناحییەکەن و ئەرکی پاراستنی ناحییەکەیان گرتووەتە ئەستۆ.
سەبارەت بە پێشڕەوییەکانی هێزێکی سوپای عێراق ئاماژەی بەوەش دا کە ئەو هێزانەی کە باس دەکرێت لەسنووری نەوجووڵ و زینانە، نزیک دوزخوورماتوو بووە کە زیاد لە 38 کیلۆمەتر لە قادر کەرەمەوە دوورە، ئەگەر هاتبنە ئەو سنوورەوەش ئەوا سنووری خۆیانە.
کۆمێنت (0)
تا ئێستا هیچ کۆمێنتێک نەکراوە.