سەرۆکی هەرێمی کوردستان پێشوازیی لە لیندزی گراهام، سیناتۆری ناوداری ئەمریکی و شاندی یاوەری کرد و تاوتوێی چەند پرسێکیان کرد. نێچیرڤان بارزانی رایگەیاندووە، "كليلى سه‌قامگيرى و چاره‌سەركردنى كێشه‌كانى عێراق، چاره‌سه‌ركردنى كێشه‌كانى هه‌ولێر ـ به‌غدايه به گفتوگۆ و به‌پێى ده‌ستوور."
رۆژی دووشەممە 05-07-2022 نێچيرڤان بارزانى، سه‌رۆكى هه‌رێمى كوردستان پێشوازى له لیندزی گراهام، سيناتۆرى ناوداری ئەمریکی و شاندێكى ياوه‌رى كرد كه پێکهاتبوو لە ئالينا رۆمانۆوسكى، باڵيۆزى ئەمريكا له عێراق و جه‌نه‌راڵ جۆن برێنان، فه‌رمانده‌ى هێزى هاوپه‌يمانيى نێوده‌وڵه‌تى و ژماره‌يه‌ك ديپلۆماتكار و پله‌دارانى سه‌ربازيى ئەمریکی.
لە راگەیێندراوی سەرۆکایەتیی هەرێمی کوردستاندا هاتووە، له کۆبوونەوەیاندا دۆخى عێراق و پرۆسه‌ى سياسیی وڵاتەکە، دوايين پێشهاته‌كانى شه‌ڕى دژى تيرۆر، پهيوهندييهكانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانى نێوانيان، دۆخى سووريا و پرسى كورد له‌و وڵاته، تاوتوێ كراون.
هەروەها هه‌ردوولا جه‌ختيان له گرنگيى پاراستنى ئارامى و سه‌قامگيریی ناوچه‌كه كردووەتەوە و "كۆك بوون له‌سه‌ر ئه‌وه‌ى مه‌ترسيى تيرۆر و سه‌رهەڵدانه‌وه‌ى داعش هه‌ڕه‌شه‌يه‌كى راسته‌قينه‌يه له‌سه‌ر ئارامى و سه‌قامگيریی عێراق و سووريا و بۆ به‌ره‌نگاربوونه‌وه‌ى ئه‌و مه‌ترسييه، پێويسته ئارامى و سه‌قامگيرى له ناوچه‌كه پارێزراو بێت و هه‌مووان له‌م پێناوه‌دا هه‌وڵ و كۆششيان بخه‌نه گه‌ڕ."
نێچيرڤان بارزانی وێڕاى ده‌ربڕينى سوپاس و پێزانينى هه‌رێمى كوردستان بۆ پشتگيرى و يارمه‌تيدانى ئەمریکا بۆ عێراق و هه‌رێمى كوردستان له شه‌ڕى دژى تيرۆردا، دووپاتى كرده‌وه كه "كليلى سه‌قامگيرى و چاره‌سه‌ركردنى كێشه‌كانى عێراق، چاره‌سه‌ركردنى كێشه‌كانى هه‌ولێر ـ به‌غدايه به گفتوگۆ و به‌پێى ده‌ستوور."
پهيوهندييهكانى عێراق و هه‌رێمى كوردستان له‌گه‌ڵ وڵاتانى دراوسێ و ناوچه‌كه، دوايين پێشهاته‌كانى دۆخى ناوچه‌كه به‌گشتى و چه‌ند پرسێكى جێى بايه‌خى هاوبه‌ش، تەوەرەکانی ديكه‌ى كۆبوونه‌كه بوون.
نێچیرڤان بارزانی و سیناتۆر لینزی گراهام دۆخی عێراق و ناوچەكە تاوتوێ دەكەن
100%
کۆمێنت (0)
تا ئێستا هیچ کۆمێنتێک نەکراوە.