له نیوه‌ڕۆی ئه‌مڕۆ هه‌ینییه‌وه هاووڵاتییانی سنووری پارێزگای بابل به‌هۆی نه‌بوونی كاره‌با و خزمه‌تگوزارییه‌كان خۆپیشاندانیان ده‌ستپێكردووه و به‌هۆیه‌وه ڕووبه‌ڕووبوونه‌وه و گرژی له‌نێوان خۆپیشانده‌ران و هێزه ئه‌منییه‌كان ڕوویداوه.
خۆپیشاندانه‌كه له شاره‌دێی قاسم له باشووری پارێزگای بابل سه‌ریهه‌ڵداوه و هاووڵاتییان داوای كاره‌با و خزمه‌تگوزارییه سه‌ره‌تاییه‌كانیان كردووه.
له خۆپیشاندانه‌كاندا گرژی و ڕووبه‌ڕووبوونه‌وه له‌نێوان خۆپیشانده‌ران و هێزه ئه‌منییه‌كان دروستبووه و له ئه‌نجامیشدا ئه‌ندامێكی هێزه ئه‌منییه‌كان كوژراوه و چه‌ندان خۆپیشانده‌ریش بریندار بوونه.
تا ئێستا گرژییه‌كان له پارێزگاكه به‌رده‌وامی هه‌یه و هێزه ئه‌منییه‌كانیش هه‌وڵی بڵاوه‌كردن و دوورخستنه‌وه‌ی خۆپیشانده‌ران ده‌كه‌ن.
جێی باسه ئه‌مه چه‌ندین جاره له سنووری پارێزگای بابل خۆپیشاندان ده‌كرێ و هاووڵاتییان داوای كاره‌با و خزمه‌تگوزارییه سه‌ره‌تاییه‌كان ده‌كه‌ن، به‌ڵام تا ئێستا حكوومه‌ت به پیل داواكانیان نه‌چووه.
کۆمێنت (0)
تا ئێستا هیچ کۆمێنتێک نەکراوە.