سەرۆک بارزانی ئەمڕۆ هەینی 08ـی 07ـی 2022 پەیامی پیرۆزبایی بەبۆنەی هاتنەوەی جەژنی قوربانەوە بڵاوکردۆتەوە، لەم بۆنەیەدا هیوای بەرقەراربوونی ئاشتی و سەقامگیری بۆ ناوچەکە و هەموو جیهان دەخوازێت.
سەرۆک مەسعود بارزانی لە پەیامێکدا بەبۆنەی جەژمنی قوربان پیرۆزبایی ئاراستەی موسڵمانان دەکات و نووسیویەتی " هیوادارم برایەتی و تەبایی و پێكەوەژیان لە وڵاتەكەمان فراوانتر ببێت و ئەو جەژنە پیرۆزە ببێتە هۆی بەرقەراربوونی ئاشتی و سەقامگیری لە ناوچەكەمان و هەموو جیهاندا."
دەقی پەیامەکەی سەرۆک مەسعود بارزانی:-
بەناوی خودای بەخشندە و میهرەبان
بە بۆنەی هاتنەوەی جەژنی پیرۆزی قوربانەوە گەرمترین پیرۆزبایی خۆم ئاراستەی هەموو موسڵمانانی كوردستان و عێراق و جیهان دەكەم. پیرۆزبایی لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی خۆشەویستی كوردستان دەكەم.
لەم بۆنە پیرۆزەدا لە خودای مەزن داواكارم خێر و بەرەكەت و سەلامەتی بۆ هەموو خەڵكی كوردستان بەدی بهێنێت. هیوادارم برایەتی و تەبایی و پێكەوەژیان لە وڵاتەكەمان فراوانتر ببێت و ئەو جەژنە پیرۆزە ببێتە هۆی بەرقەراربوونی ئاشتی و سەقامگیری لە ناوچەكەمان و هەموو جیهاندا.
جەژنتان پیرۆز بێت و بمێنن بە خێر و خۆشی...
کۆمێنت (0)
تا ئێستا هیچ کۆمێنتێک نەکراوە.