ڕاپەڕین؛ منداڵێکی تەمەن پێنج ساڵ خنکا

پۆلیسی ڕاپەڕین ئێوارەی ئەمڕۆ هەینی 08ـی 07ـی 2022 ڕایگەیاند، لە ناحییەی تەرمی منداڵێکی تەمەن 5 ساڵان لە ڕووبارێکی نزیک سنوورەکە خنکا.

بەڕێوەبەرایەتی پۆلیسی ڕاپەڕین ڕایگەیاند:  ل . م . ع ڕەگەزی نێر، تەمەن 5 ساڵان، دانیشتووی ناحییەی سەنگەسەر، سەر بە قەزای پشدەر ( قەڵادزێ ) گەیەنرایە نەخۆشخانەی گشتی قەڵادزێ کە بەگوتەی کەسوکاری لە ڕووبارێکی نزیک سنوورەکە خنکاوە.

ڕاشیگەیاند: دوای ئاگادارکردنەوەیان، هێزەکانمان لە بنکەی پۆلیسی ناحییەی سەنگەسەر گەیشتوونەتە شوێنی مەبەست، دوای پشکنین و توێکاری بۆ تەرمەکەی دەرکەوت لە ناو ئاودا خنکاوە.

پۆلیسی ڕاپەڕین ئاماژەی بەوەش دا کە پاش گرتنەبەری ڕێوشوێنی یاسایی ڕادەستی کەسوکارەکەی کرایەوە، پەڕاوی لێکۆڵینەوەش بۆ ڕووداوەکە ڕێکخراوە.