بەگوێرەی ئامارێکی بەڕێوەبەرایەتی ڕەگەزنامە و کاروباری شارستانی سەر بە وەزارەتی ناوخۆی حکومەتی هەرێمی کوردستان، تەنها لە هەفتەی رابردوو دا 872 تۆماری هاوسەرگیریی لە هەرێمی کوردستان تۆمار کراون .
بەپێی ئامارەکەی کە فەرمانگەی میدیا و زانیاری سەر بە حکومەتی هەرێمی کوردستان بڵاویکردووەتەوە، تێیدا هاتووە، 106 تۆماری جیابوونەوەی هاوسەرگیری تۆمار کراون کە 27 ـیان لە سنووری پارێزگای هەولێر و 56 ـیان لە سنووری پارێزگای سلێمانی و 17 ـیان لە سنووری پارێزگای دهۆک و شەشیان لە سنووری ئیدارەی سەربەخۆی گەرمیان بوون.
بەپێی هەمان ئاماری به‌رێوه‌به‌رایه‌تیه‌كه، 342 تۆماری مردن تۆمار کراون کە 105 یان لە سنووری پارێزگای هەولێر و 139 یان لە سنووری پارێزگای سلێمانی و 84 ـیان لە سنووری پارێزگای دهۆک و 14 ـیان لە سنووری ئیدارەی گەرمیان بوون.
ئامارەکەی بەڕێوەبەرایەتی ڕەگەزنامە و کاروباری شارستانی راشیگه‌یاندووه، کە لەو هەفتەیەدا 16هەزار و564کەس کارتی نیشتمانی نوێیان دەرکردووە، کە شەش هەزار و 666 یان لە سنووری پارێزگای هەولێر و پێنج هەزار و 420 یان لە سنووری پارێزگای سلێمانی و سێ هەزار و 728کەسیان لە سنووری پارێزگای دهۆک و 750 ـیان لە سنووری ئیدارەی گەرمیان بوون.
کۆمێنت (0)
تا ئێستا هیچ کۆمێنتێک نەکراوە.