ڕووسیا باڵەخانەیەكی نیشتەجێبوونی 6 نهۆمی لە خاركیڤ كردە ئامانج

ئەمڕۆ دووشەممە، ئۆپەراسیۆنی سەربازیی ڕووسیا لە ئۆكرانیا بەردەوامە لە گەیشتن بە ئامانجەكانی لە ڕزگاركردنی زەوییەكانی دۆنباس، لە هەمان كاتدا كیێڤ بەردەوامە لە وەرگرتنی پشتیوانی ڕۆژئاوا و كەرەستەی سەربازی.
لە دوایین پێشهاتەكاندا میدیاكانی ئۆكرانیا باسیان لە بۆردومانی نوێی ڕووسیا كردووە بۆ سەر باڵەخانەیەكی نیشتەجێبوونی 6 نهۆمی لە شاری خاركیڤ.
ئەو پێشهاتانە هاوكاتە لەگەڵ وەرگرتنی بارێكی چەكی بەریتانی لەلایەن وەزارەتی بەرگری ئۆكرانیا، كە لە باشوور لە خێرسۆن و لە رۆژهەڵاتی شاری بەختوت دەستی بە بڵاوەپێكردنی كردووە.
بەپێی ئەو لێدوانانەی كە ڕۆژنامەی ئەمریكی وۆڵ ستریت جۆرناڵ بڵاویكردووەتەوە، ئەلێكسی رێزنیكۆڤ، وەزیری بەرگری ئۆكرانیا دانی بە زیان و كەمبوونەوەی قورسی سوپای ئۆكرانیادا ناوە، هەروەها داوای چەكی زیاتری لە هاوبەشە رۆژئاواییەكانی كرد. ئاماژەی بەوەشكردووە، وڵاتەكەی سەركەوتوو بووە لە بەكارهێنانی ئەو موشەكە دوورمەودانە ئەمریكیانەی كە بەم دواییە دەستی كیێڤ كەوتووە.