لەكاتی لێخوڕینی ئۆتۆمبێلدا چۆن تووڕەیی خۆت كۆنتڕۆڵ دەكەیت 

شۆفێران لەكاتی قسەكردن بە مۆبایلەكانیان بە شێوەیەكی پچڕپچڕ لادەدەن یان بە شێوەیەكی مەترسیدار لە نێوان ئۆتۆمبێلەكانی دیكەدا دەسوڕێنەوە.
لە هەندێك حاڵەتیشدا ئەم هەستانە لەوانەیە ببنە هۆی توندوتیژی هاتوچۆ و لێخوڕینی شەڕانگێزانە، بەهۆی سترێس یان هەستكردن بە تووڕەیی .
لەو بارەیەوە ڕایان مارتن، مامۆستای دەروونناسی و ڕاگری بە وەكالەتی كۆلێژی هونەر و زانستە مرۆییەكان و زانستە كۆمەڵایەتییەكان لە زانكۆی ویسكۆنسێن-گرین بەی دەڵێت: هەندێك كەس توڕەیی خۆیان لەسەر ڕێگا بە خێرایی لێخوڕین دەردەبڕن، یانیش وەك ئەوە وایە پارە بدەن بۆ دەستپێكردنی شەڕ.
گوتیشی: لێخوڕینی ئۆتۆمبێل خراپترین كاتە بۆ ئەوەی هەوڵبدەیت مامەڵە لەگەڵ توڕەییەكەتدا بكەیت، چونكە بەڕوونی بیر ناكەیتەوە.
هەروەها ئیمانوێل ڕۆبنسن، توێژەر و دەروونناس دەڵێت: كەسانێك هەن هەر شتێكی بچووك وایان لێدەكات كە بە خێراییەكی شێتانە ئۆتۆمبێل لێبخوڕن.
هەروەها ئیمانوێل ڕۆبنسن ڕوونی كردەوە كە زەحمەتە لە ڕوانگەیەكی جیاوازەوە لە دۆخێك نزیك ببیتەوە كاتێك تووڕەیت. ئەو پێشنیاری ئەوە دەكات كە لەو ساتانەدا بە هەناسەیەكی قووڵ دەستپێبكەیت، نەك وەڵامدانەوە و یەكسەر كاردانەوەت هەبێت.
ئاماژەی بەوەشكردووە، گوێگرتن لە مۆسیقای ئارام یان پەخشی ڕاستەوخۆ لەكاتی لێخوڕیندا، ڕەنگە ئارامكەرەوە بێت،.
ڕوونیشیكردەوە كە قورسە هەست بە توڕەیی بكەیت كاتێك خۆت بە پەخشە ڕاستەوخۆكانەوە سەرقاڵ دەكەیت، چونكە زیاتر سەرنجت لەسەر هەستی بیستن دەبێت.