ئەو بارودۆخە سەختەی كە بەسەر عێراقییەكاندا هاتووە‌ خۆشی جەژنی لێ دزیون

لە ئەنجامی ئەو بارودۆخە سەختە ئابوورییەی كە وڵاتەكە لە قۆناغی پێشوودا تووشی بووە، كەش و هەوای ئەم جەژنە لە عێراق جیاوازە لە جەژنەكانی پێشوو.
سەرەڕای پابەندبوونی بنەماڵەكان بە دەركەوتنی جەژن و ئامادەكارییەكانەوە، بەڵام ئەو بارودۆخە سەختەی كە بەسەر عێراقییەكاندا تێپەڕی، ئەمساڵ خۆشی جەژنی لێ دزیون ، چونكە بەهۆی پچڕانی كارەباوە تاریكی زاڵ بوو بەسەر ژمارەیەكی زۆر لە ناوچەكاندا ، لە كاتێكیشدا كەمی ئاوی خواردنەوە و بڵاوبوونەوەی پەتاكان دۆخەكەی خراپتر كرد.
بەشێكی زۆری خێزانەكان پێداویستییەكانیان بۆ جەژن كەمكردووەتەوە و كڕینی جلوبەرگیان دواخستووە، هەروەها زۆرێك لە ڕێوڕەسمەكانی جەژن وەك سەربڕینی قوربانی، سازدانی جەژن، چوون بۆ پاركەكانیان هەڵوەشاندووەتەوە.