سەرچاوەكانی ئەلعەرەبیە و ئەلحەدهس رایانگەیاند، لە بەرەبەیانی رۆژی پێنجشەممە، تەقینەوەیەكی نادیار لە كۆگایەكی چەك و تەقەمەنی سەر بە میلیشیاكانی حەشدی شەعبی لەناوچەی قائیم لە نزیك سنووری سووریا روویداوەو تا ئێستا هۆكارو ڕادەی زیانەكانی تەقینەوەكە نەزاندراوە .
شایانی باسە كۆگاكانی چەك لە عێراق لە دوای ساڵی 2003 بە شێوەیەكی بەرچاو لەناو ناوچە نیشتەجێبوونەكاندا بڵاوبوونەوتەوە و لەگەڵ دەستپێكردنی هەر هاوینێكدا خەڵك ترسی تەقینەوەیان بۆ دروست دەبێت.
تەنها بەغدا لە نێوان هاوینەكانی 2016 بۆ 2018 سێ كۆگای چەك لە باشوور و رۆژهەڵاتی پایتەخت تەقییەوە.
دوایینیان تەقینەوەی كۆگایەك بوو لە ناو حسێنییەیەك لە شاری سەدر كە بەهۆیەوە دە كەس كوژران و 90 كەسی دیكەش بریندار بوون، ئەمە جگە لەوەی زیان بە موڵك و ماڵی تایبەت و گشتی گەیاندووە، هەروەها وێرانكردنی قوتابخانەیەكی سەرەتایی نزیك لە شوێنی تەقینەوەكە.
هەروەها لە ساڵی 2019 پێنج كۆگای چەك لە ناوچە جیاجیاكانی ئەو وڵاتە تەقییەوە و ساڵی ڕابردوو-ش لە ماوەی مانگی تەمموزدا، كۆگایەكی چەكی سەر بە فیرقەی "ئیمام عەلی" لە پارێزگای نەجەف تەقییەوە.
تەقینەوەیەك لە نێو كۆگایەكی چەك و تەقەمەنی حەشدی شەعبی روویدا
100%
کۆمێنت (0)
تا ئێستا هیچ کۆمێنتێک نەکراوە.