به‌ڕێوه‌به‌ری گشتیی بازرگانی له وه‌زاره‌تی بازرگانی و پیشه‌سازی حكوومه‌تی هه‌رێمی كوردستان ئاشكرای كرد كه له سایلۆكان تا ئێستا زیاتر له 236 هه‌زار ته‌ن گه‌نمیان وه‌رگرتووه.
نه‌وزاد شێخ كامیل به‌ڕێوه‌به‌ری گشتیی بازرگانی ڕایگه‌یاند: پڕۆسه‌ی وه‌رگرتنی گه‌نم له سایلۆكانی هه‌رێمی كوردستان به‌رده‌وامه و تا ئێستا بڕی (236،841،580) ته‌ن گه‌نم له جوتیاران وه‌رگیراوه.
ڕاشیگه‌یاند: وه‌رگرتنی گه‌نم له سایلۆكان به‌رده‌وام ده‌بێت و داواش له جوتیاران ده‌كه‌ین په‌له بكه‌ن له پێدانی گه‌نم به سایلۆكان.
ئاماژه‌ی به‌وه‌ش دا كه له نزیكترین كاتدا جوتیاران شایسته دارایی و نرخی گه‌نمه‌كانیان به‌ده‌ست ده‌گات و بۆیان خه‌رج ده‌كرێت.
کۆمێنت (0)
تا ئێستا هیچ کۆمێنتێک نەکراوە.