بایدن پێشوازی لە رۆڵی سعوودیە بۆ بەهێزكردنی پەیوەندییەكانیان لەگەڵ عێراق دەكات

ئەمەریكا و سعودیە بەیاننامەیەكی هاوبەشیان بڵاوكردەوە، كە تیایدا پێشخستنی بەرژەوەندییە هاوبەشەكانیان و پێشخستنی دیدێكی هاوبەشیان بۆ بەدیهێنانی ئاشتی و ئاسایشی زیاتر كە بەرەو ڕۆژهەڵاتی ناوەڕاستێكی ئاوەدان و سەقامگیری لێبكەوێتەوە، دووپاتكردەوە.
هەروەها جۆبایدن، سەرۆكی ئەمریكا پێشوازی لە رۆڵی پێشەنگی سعودیە كرد لە بەهێزكردنی پەیوەندییەكانی لەگەڵ كۆماری عێراق، هەروەها ئەو رێككەوتنە مێژووییانەی كە لە پەراوێزی لوتكەی ئاسایش و گەشەپێدانی جدەدا واژۆ دەكرێن، بۆ بەستنەوەی تۆڕەكانی كارەبا لە نێوان سعودیە و هاوكارییەكانی كەنداو ئەنجومەن لەگەڵ عێراق، بە مەبەستی دابینكردنی سەرچاوەی نوێ و هەمەچەشنی كارەبا بۆ عێراق و گەلەكەی.
دوێنێ هەینی جۆ بایدن ،سەرۆكی ئەمریكا بە گەشتێكی مێژوویی لە ئیسرائیلەوە گەیشتە شاری جدە  لە شانشینی سعوودیە و شازادە خالد ئەلفەیسەڵ ، ئەمیری ناوچەی مەككە یەكەمین كەس كە لە فڕۆكەخانەی جەدە پێشوازی لە بایدن كرد.