لە سامەرا باوك و كوڕێك كوژران

ئەمڕۆ شەممە، سەرچاوەیەكی ئەمنی بڵاویكردەوە، لەسەر پردی ڕێگای خێرا لە ڕۆژئاوای سامەرا، پیاوێك و كوڕەكەی بە فیشەك كوژراون.
سەرچاوەكە راگەیاند، كەسانێكی نەناسراو هێرشیان كردووەتە سەر پیاوێك و كوڕەكەی لەسەر پردی رێگای خێرا لە رۆژئاوای شاری سامەرا، ئاماژە بەوە دەكات كە هێرشەكە بووەتە هۆی كوژرانی باوك و كوڕەكەی لە شوێنی رووداوەكە لەكاتێكدا ئەنجامدەرانی تاوانەكە هەڵاتوون.
سەرچاوەكە ئاماژەی بەوەشكرد، دوای هێرشەكە ئۆتۆمبێلی قوربانییەكان خۆی بە كۆنكرێتی سەر رێگاكەدا كێشاوە، ئاماژەی بەوەشكردووە، كە ئەو باوكەی كە كوژراوە وەك پیشەی جووتیاری كاری كردووە.