كەمپی مەشق و ئامادەكاری یانەی تۆتنهام لە كۆریای باشوور بەردەوامە، لەمیانی كەمپەكەدا، ئه‌مرۆ یانە لەندەنیەكە لە یاریەكی دۆستانەی ئامادەكاریدا لە شاری سۆن، ڕووبەڕووی یانەی سیڤیلیە دەبێتەوە كە ئەمەش دەبێتە دوایین یاری دۆستانەی تۆتنهام لە كۆریای باشوور، دوای ئەوەی چوارشەممەی ڕابردوو لە یەكەم یاری دۆستانەی خۆی سەركەوتنێكی گەورەی بەدەستهێناو بە شەش گۆڵ بەرامبەر بە سێ گۆڵ لە تیپی ئەستێرەكانی خولی كۆریای باشووری بردەوە.
ئیڤان پێریسیچی كڕواتی و یاریزانی نوێی تۆتنهام بە شێوەیەكی ئاسایی بەشداری لە مەشقەكانی تیپەكەی كرد، ئەویش دوای ئەوەی ماوەیەك بوو بەهۆی پێكان لە یاریگاكان دابڕابوو، هەر لەم گەشتەی یانە ئینگلیزیەكە بۆ كۆریای باشوور، هەریەك لە یاڤیس بیسۆمای ناوەڕاستكارو فرازێر فۆرستێری گۆڵپارێز بەهۆی تووشبوونیان بە ڤایرۆسی كۆرۆنا، لە ڕاهێنانەكان دابڕان و كەرەنتین كران.
کۆمێنت (0)
تا ئێستا هیچ کۆمێنتێک نەکراوە.