پۆلیسی هەولێر ڕایگەیاند، ئەمڕۆ شەممە 16 ـی 07ـی 2022 لەنێوان چەند کاسبکارێک بووەتە شەڕیان و لە ئەنجامدا 6 کەس برینداربوون.
بەڕێوەبەرایەتی پۆلیسی پارێزگای هەولێر ڕایگەیاند: بەشی پۆلیسی فریاکەوتنی هەولێر، دوای ئەوەی ئاگادار کرانەوە کەوا لە بەردەم نەخۆشخانەی فریاکەوتنی (ڕۆژئاوا) شەڕ لە نێوان چەند کەسێک ڕووی داوە، دەستبەجێ گەیشتنە شوێنی ڕووداو.
ڕاشیگەیاند: دەرکەوت کە چەند کاسبکارێک لەسەر شوێنی کارکردن بووەتە شەڕیان و لە ئەنجامدا شەش کەس بە چەقۆ زامدار ببوون.
ئاماژەی بەوەش دا کە بریندارەکان گەیەنرانە نەخۆشخانە و چەند کەسێکیش بە تۆمەتی تێوەگلان لەو شەڕە، دەستگیر کران و ڕێڕەوی یاسایی بەرامبەریان گیرایە بەر.
کۆمێنت (0)
تا ئێستا هیچ کۆمێنتێک نەکراوە.