کەشناسی: سبەی لە بەشێکی ناوچەکانی هەرێمی کوردستان ئەگەری دروستبوونی تۆزێکی سووک هەیە

کەشناسی هەرێمی کوردستان ڕایگەیاند، ڕۆژی یەکشەممە ئەگەری دروستبوونی تۆزێکی سووک هەیە لە بەشێک لە ناوچەکانی هەرێمی کوردستان.

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان ڕایگەیاند: سبەی کەشی ئاسمان ساماڵ دەبێت، ئەگەری دروستبوونی تۆزێکی سووک هەیە بەهۆی زیادبوونی خێرایی با.

ڕاشیگەیاند: خێراى با / 10 - 30 کیلۆمەتر لە کاتژمێرێک دەبێت، ئاراستەی با لە باکورى خۆرئاوا دەبێت و مەوداى بینین / 7 - 9 کیلۆمەتر دەبێت.

کەشناسی بەرزترین پلەکانی گەرمای پێشبینیکراوی سبەی بە پلەی سیلیزی بەمشێوەیە دەخاتەڕوو:-

هەولێر  : 44

سلێمانی : 43

دهۆک  : 43

کەرکووک : 46

هەڵەبجە : 44

سۆران  : 42

ڕاپەرین : 44

گەرمیان : 48