کاتژمێر 09:30ـی سبەی دووشەممە 18ـی 07ـی 2022 تەرمی عەلی قازی دەگەڕێنرێتەوە هەرێمی کوردستان بە ئامادەبوونی سەرۆکی هەرێمی کوردستان پێشوازی لە تەرمەکەی دەکرێت.
بە ئامادەبوونی نێچیرڤان بارزانی سەرۆکی هەرێمی کوردستان تەرمی عەلی قازی، کوڕی پێشەوا قازی محەمەد لە فڕۆکەخانەی نێودەوڵەتیی هەولێر بە ڕێوڕەسمێکی تایبەت پێشوازی لێ دەکرێت.
تەرمی عەلی قازی، لەسەر ئەرکی مەسرور بارزانی سەرۆکی حکوومەتی هەرێمی کوردستان دەگەڕێنرێتەوە هەرێمی کوردستان.
بڕیارە دوای پێشوازیکردن لە تەرمەکەی، تەرمەکە لە گۆڕستانی کەلار، لەو شارە لە تەنیشت گۆڕی خوشکەکەی بە خاک بسپێردرێت.
لە ڕێکەتی 10ـی 07ـی 2022 لە دووەم رۆژی جەژنی قوربان، عەلی قازی كوڕی پێشەوا قازی محەمەد سەرۆک كۆماری كوردستان، لە شاری کۆڵنی ئەڵمانیا لە تەمەنی 89 ساڵی كۆچی دوایی كرد.
عەلی قازی، لە ساڵی 1933 لە شاری مەهاباد-ی كوردستانی ئێران لە دایک بووە، تاقە کوڕی پێشەوا قازی محەمەدە.
کۆمێنت (0)
تا ئێستا هیچ کۆمێنتێک نەکراوە.