ڤیدیۆ.. ڕووسیا بەهێزترین فڕۆكە جەنگییەكانی خۆی بەهەڵە لە ئۆكرانیا دەخاتە خوارەوە 

لە ماوەی چەند كاتژمێری ڕابردوودا هێزەكانی بەرگری ئاسمانی ڕووسیا یەكێك لە پێشكەوتووترین فڕۆكە جەنگییەكانی بەشداربوو لە جەنگی ئۆكرانیایان خستەخوارەوە. بەڵام بەپێی میدیاكانی ڕۆژئاوا، ئەم فڕۆكەیە هی مۆسكۆیە .
ماڵپەڕی گۆڤاری فۆربێسی ئەمریكی بڵاویكردووەتەوە، فڕۆكەكە كە كەوتووەتە خوارەوە فڕۆكەیەكی بۆمبڕێژكراوی سو-34 ئێم روسی بووە.
یێڤگێنی پۆدوبنی، پەرەپێدەری پڕوپاگەندەی ڕووسیا، گرتەیەكی ڤیدیۆیی لە كەوتنە خوارەوەی فڕۆكەكە لە سەر شاری ئەلچێڤسك لە ناوچەكانی ڕۆژهەڵاتی ئۆكرانیا تۆمار كردووە .
ڕۆژی دووشەممە پۆدوبنی لە كەناڵی تەلەگرامی خۆی گرتە ڤیدیۆییەكەی بڵاوكردەوە و لە كۆمێنتێكدا نووسیویەتی: "شەوی ڕابردوو هێزەكانی بەرگری ئاسمانی ڕووسیا ئامانجێكیان لە ئاسمانی ئەلچێڤسك خستووەتە خوارەوە". ئاماژەی بەوەشكردووە، "سروشتی ئامانجەكە ڕوون نییە.
بەڵام بەپێی ماڵپەڕی گۆڤاری فۆربس، ڤیدیۆیەكی داروپەردووی فڕۆكەكە ناسنامەی خۆی سەلماند و فڕۆكەی سوخۆی-34M یە كە یەكێكە لەو تەنها نزیكەی 10 فڕۆكەی جەنگی-بۆمبڕێژكراو لەم جۆرە كە لەلایەن سوخۆیەوە گەیاندووەتە هێزی ئاسمانی ڕووسیا.
https://twitter.com/i/status/1548937987567804417