لە دوایین ئاماری مانگانەی تایبەت بە دۆسیەكانی هاوسەرگیری و جیابوونەوە لە عێراق، كە لەلایەن ئەنجومەنی باڵای دادوەرییەوە بڵاوكرایەوە، ژمارەی هاوسەرگیرییە نوێیەكانی مانگی حوزەیرانی ساڵی رابردوو گەیشتووەتە زیاتر لە 32 هەزار هاوسەرگیری، هاوكات ژمارەی حاڵەتەكانی جیابوونەوەش گەیشتووەتە نزیكەی 6 هەزار و 330 حاڵەتی جیابوونەوە، واتە لە یەك ڕۆژدا زیاتر لە 211 حاڵەت تۆماركران و بەغدای پایتەختیش لە پێشەنگی كەیسی هاوسەرگیری و تەڵاقدا بووە .
ئاماری هاوسەرگیری و جیابوونەوە لە مانگی حوزەیرانی ساڵی 2022
لە مانگی ئایاردا ژمارەی هاوسەرگیرییە نوێیەكان گەیشتە نزیكەی 22 هەزار هاوسەرگیری، لە كاتێكدا ژمارەی حاڵەتەكانی جیابوونەوە گەیشتە نزیكەی 5270 حاڵەتی جیابوونەوە، واتە رۆژانە زیاتر لە 175 حاڵەت تۆماركراون، بەو پێیەی بەغدای پایتەخت لە پێشەنگی لیستی هاوسەرگیری و جیابوونەوەدا بووە .
کۆمێنت (0)
تا ئێستا هیچ کۆمێنتێک نەکراوە.