سەرۆکی ئەنجوومەنی نوێنەرانی عێراق پەیامێکی لەسەر بۆردوومانەکەی ئەمڕۆ چوارشەممە 20ـی 07ـی 2022ـی گوندی پەرخ لە سنووری زاخۆ بڵاو کردۆتەوە و جەخت دەکاتەوە کە نابێت عێراق ببێت بە گۆڕەپانی ململانێ دەرەکییەکان.
محەمەد حەلبووسی سەرۆکی ئەنجوومەنی نوێنەرانی عێراق لە تویتێکدا ڕایگەیاند: نابێت عێراق گۆڕەپانێکی کراوە بێت بۆ یەکلاییکردنەوەی ململانێ هەرێمی و دەرەکییەکان و خوێنی عێراقییەکان بەفیڕۆ بڕوات.
حەلبووسی لە پەیامەکەی ڕاشیگەیاند: داوا لە حکوومەت دەکەین کە ڕێوشوێنی پێویست بگرێتەبەر بۆ بەدواداچوون، هەموو ڕێگەیەکیش لەم پێناوە بگرێتەبەر، بۆ ڕزگارکردنی نیشتمان و پاراستنی گەل.
جێی باسە، ئەمڕۆ چوارشەممە لەلایەن فڕۆکەی نەناسراوەوە بۆردوومانی گوندی پەرخ لە ناحییەی دەرکاری سەر بە زاخۆ کرا، لە ئەنجامدا 9 کەس گیانی لەدەست دا و 23 کەسی دیکەش برینداربوون، لەنێو قوربانییەکان منداڵیشی تێدایە و سەرجەم قوربانییەکانیش گەشتیاری عەرەب بوونە.
کۆمێنت (0)
تا ئێستا هیچ کۆمێنتێک نەکراوە.