ئەفسەر و كارمەندانی بەڕێوەبەرایەتی گشتی نەهێشتنی ماددە هۆشبەرەكان توانیان لە شارۆچكەی بەحركە دەست بەسەر بڕێكی زۆری ماددەی هۆشبەردا بگرن و سێ تۆمەتباریش دەستگیر بكەن.
بەڕێوەبەرایەتی گشتی نەهێشتنی ماددە هۆشبەرەكان بڵاویكردۆتەوە كە لە ڕێكەوتی 20 / 7 / 2022 دوای بەدوادا چوون و چاودێریەكی وورد لەلایەن ئەفسەر و كارمەندانی بەڕێوەبەرایەتی گشتی نەهێشتنی ماددە هۆشبەرەكان توانرا لەناو شارۆچكەی بەحركە دەستبگیرێت بەسەر بڕی ( 570 ) پێنج سەد و حەفتا گرام ماددەی هۆشبەر لەجۆری ( كریستاڵ )و بڕی( 390) سێ سەد و نەوەد گرام (حەشیش ) بڕی ( 30 ) سی گرام ( جامایكا ) لەگەڵ دەست بەسەرداگرتنی بڕی ( 47 ) چل و شەش شیت حەبی هۆشبەر لەجۆری ( ترامادۆڵ ) لەگەڵ دەستگیركردنی سێ تۆمەتبار بەناوەكانی ( س ـ ف ـ ب ) و ( ب ـ ب ـ ع ) و ( ڕ ـ ش ـ ق )كە بازرگانیان بە ماددەی هۆشبەر لەسنووری پارێزگای هەولێردا كردووە.
بەڕێوەبەرایەتی گشتی نەهێشتنی ماددە هۆشبەرەكان ئاماژەی بۆ ئەمەش كرووە كە تۆمەتبارەكان پەڕاوی لێكۆڵینەوەیان بۆ كراوەتەوەو ڕەوانەی بەردەم دادوەری لێكۆڵینەوە كراون .
لە شارۆچكەی بەحركە دەست بەسەر بڕێكی زۆری ماددەی هۆشبەردا گیرا
100%
کۆمێنت (0)
تا ئێستا هیچ کۆمێنتێک نەکراوە.