گوتهبێژی وهزارهتی دهرهوهی عێراق ئهمڕۆ پێنجشهم نهیشاردهوه كه رهنگه وڵاتهكهی پهنا بهرێته بهر كارتی ئابووری دژی توركیا وهك كاردانهوهیهك بهرامبهر تۆپبارانهكهی دوێنێ چوارشهمی سنووری ئیدارهی سهربهخۆی زاخۆ.
ئهحمهد سهحاف گوتهبێژی وهزارهتی دهرهوهی عێراق له چاوپێكهوتنێكی تهلهفزیۆنیدا ڕایگهیاند: ههموو ئاماژهكان ئهوه پشتڕاست دهكهنهوه كه توركیا هێرشهكهی دوێنێ چوارشهمی هاوینهواری گوندی پرهخی له سنووری زاخۆ ئهنجامدابێت.
ڕاشیگهیاند: ڕهنگه عێراق وهك بهرپهرچدانهوهیهك بهرامبهر ئهو ڕووداوه خوێنڕێژییه، پهنا بباته بهر كارتی ئابووری دژی توركیا.
ههروهها ڕایگهیاند: له ڕووی دیپلۆماسییهوه توندترین ڕێوشوێنمان گرتۆتهبهر و ههنگاوهكانمان دهستپێكردووه بۆ داواكردنی دانیشتنێكی تایبهت له ئهنجوومهنی ئاسایش بۆ تاوتوێ و دهركردنی بڕیارێكی نێودهوڵهتی دژی تاوانهكه.
ئهحمهد سهحاف گوتیشی: له ههوڵهكانمان لهسهر ئاستی باڵا بهردوام دهبین بۆ كۆكردنهوهی ناڕهزایهتییهكان و ئامانجیشمان دهركردنی ههڵوێستێكی بههێزه بۆ ڕێگریكردن له دووبارهبوونهوهی ئهم جۆره هێرشانه و دانانی سنوورێك بۆیان.
گوتهبێژی وهزارهتی دهرهوهی عێراق جهختیشی كردهوه كه له ڕێگهی نوێنهرایهتییه ههمیشهییهكهیان له نیۆیۆڕك داوا له ئهنجوومهنی ئاسایش دهكهن كۆبوونهوهیهكی بهپهله و تایبهت لهسهر هێرشه بهردهوامهكانی توركیا و بهتایبهتیش هێرشه مهترسیدارهكهی دوێنێ چوارشهم بۆ سهر خاكی عێراق، ئهنجام بدرێت.
لهلایهكی تریشهوه ههر ئهمڕۆ پێنجشهم وهزارهتی دهرهوهی عێراق بانگهێشتی عهلی ڕهزا كۆنای باڵیۆزی توركیا له شاری بهغدا كردبوو و یاداشتێكی ناڕهزایی توندی ڕادهستی كردبوو كه تێیدا به توندی ئیدانهی تاوانه قێزهوهنهكهی كردبوو.
وهزارهتی دهرهوهی عێراق له یاداشتهكهدا ئاماژهی بهوهدابوو كه چیتر ناتوانن له هێرشه بهردهوامهكانی توركیا بۆ سهر خاك و سهروهری عێراقی بێدهنگ بن كه بههۆیهوه ڕۆژانه هاووڵاتییانی سڤیل له ناو سهنتهری شارهكان دهكرێنه ئامانج.
جهختیشی كردبووهوه كه دهبێت توركیا بههۆی ئهم ڕووداوه به فهرمی داوای لێبوردن بكات و ههروهها قهرهبووی خانهوادهی سهرجهم شههید و بریندارهكانیش بكاتهوه.
جێی باسه دوێنێ چوارشهم شوێنێكی گهشتیاری له گوندی پهرهخ له سنووری ئیدارهی سهربهخۆی زاخۆ بۆردومان كرا و بههۆیهوه 9 گهشتیار كوژران و 23ی تریش بریندار بوون، قوربانییهكان كه ئافرهت و منداڵیشیان تێدابوو، گهشتیاری عهرهب بوون و بۆ مهبهستی گهشتیاری ڕوویان لهو شوێنه گهشتیارییه كردبوو.
کۆمێنت (0)
تا ئێستا هیچ کۆمێنتێک نەکراوە.