کەشناسی: سبەی لە بەشێکی ناوچەکانی هەرێمی کوردستان ئەگەری بوونی تۆزێکی سووک هەیە

کەشناسی هەرێمی کوردستان ڕایگەیاند، سبەی شەممە لە ناوچەکانی باشووری هەرێمی کوردستان ئەگەری بوونی تۆزێکی سووک هەیە.

سه‌باره‌ت به‌ ڕه‌وشی كه‌شوهه‌وای سبه‌ی شەممە، كه‌شناسی ڕایگه‌یاند: ئاسمان به‌ گشتی ساماڵ ده‌بێت له‌گه‌ڵ بوونی تۆزێكی سووک له‌ ناوچه‌كانی باشووری هه‌رێم.

هه‌روه‌ها پله‌كانی گه‌رماش نزیك ده‌بێت له‌ تۆماره‌كانی ڕۆژی پێشوو، خێرایی با له‌نێوان له‌سه‌رخۆ و مامناوه‌ند ده‌بێت و مه‌ودای بینینیش 10-8 كیلۆمه‌تر ده‌بێت.

بەرزترین پلەکانی گەرمای پێشبینیکراوی سبه‌ی شەممەی شاره‌كان بە پلەی سیلیزی به‌مشێوه‌ی خواره‌وه‌ ده‌بێت :-

هەولێر: 40

سلێمانی: 39

دهۆک: 40

کەرکووک: 43

هەڵەبجە: 40

سۆران: 39

ڕاپەرین: 40

گەرمیان: 45