سزای له‌سێداره‌دان به‌سه‌ر سێ هاووڵاتی كورد له ئێران جێ به‌جێكرا.
رێكخراوی هه‌نگاو بۆ مافه‌كانی مرۆڤ بڵاویكرده‌وه، سزای سێدارەی سێ بەندکراو بە ناوەکانی ڕوباب دانایی، ئەمیر ئۆجاقی و حەیدەر هەیبۆزادە کە پێشتر بە تۆمەتی کوشتنی ئەنقەست و بازرگانی کردن بە ماددە هۆشبەرەکان سزای سێدارەیان بە سەردا سەپابوو، بەرەبەیانی ڕۆژی پێنجشەممە 21 ى 7 ى 2022 لە بەندیخانەی ناوەندیی یەزد جێبەجێ کرا.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ئەمیر ئۆجاقی خەڵکی کرماشان بووە و 6 ساڵ پێش لە شاری مێهریز سەر بە پارێزگای یەزد دەستبەسەر و دواتر بە تۆمەتی بازرگانی کردن بە ماددە هۆشبەرەکان سزای سێدارەی بە سەردا سەپابوو.
هەواڵدەریی حاڵ وەش کە هەواڵەکانی بەلووچستان بڵاو دەکاتەوە لەو بارەوە ڕایگەیاندووە کە ڕوباب دانایی خەڵکی یەزد و حەیدەر هەیبۆزادە (بەراهوویی) تەمەن 29 ساڵ خەڵکی شاری زابۆل بوون و بە تۆمەتی کوشتنی ئەنقەست سزای سێدارەیان بە سەردا سەپاوە.
کۆمێنت (0)
تا ئێستا هیچ کۆمێنتێک نەکراوە.