ئەمڕۆ شەممە، وەزارەتی تەندروستی تۆماركردنی 31 حاڵەتی نوێی تووشبوون بە كۆلێرا لە پارێزگاكانی بەغدا و زیقار-ی راگەیاند.
سەیف بەدر، گوتەبێژی وەزارەتەكە لە بەیاننامەیەكی رۆژنامەوانیدا رایگەیاند، "دامەزراوەكانی تەندروستی 31 حاڵەتی نوێی تووشبوون بە كۆلێرا-یان تۆماركردووە".
ئاماژەی بەوەشكردووە، "18 حاڵەت لە بەغدا تۆماركراوە و 13 حاڵەتیش لە پارێزگای زیقار تۆماركراون.
بەدر ڕوونیشی كردەوە، "كۆی گشتی تووشبووانی كۆلێرا بووەتە 406 حاڵەتی پشتڕاستكراوە، كە سێ كەس گیانیان لەدەستداوە، دوو لە كەركوك و یەكێكیش لە بەغدا".
لەعێراقدا 31 حاڵەتی نوێی كۆلێرا تۆمار دەكرێت
100%
کۆمێنت (0)
تا ئێستا هیچ کۆمێنتێک نەکراوە.