بەربەستی كۆنكرێتی لەبەردەم باڵیۆزخانەی توركیا لە بەغدا دادەندرێت

ئەمڕۆ شەممە، سەرچاوەیەكی ئەمنی رایگەیاند، بەربەستی كۆنكرێتی لەبەردەم بینای باڵیۆزخانەی توركیا لە ناوچەی سەوز، لە ناوەندی بەغدای پایتەخت ، دادەندرێت.
ئەو سەرچاوەیە لە چاوپێكەوتنێكیدا لەگەڵ میدیای عێراق رایگەیاند: بۆ رێگریگریكردن لە هەر حاڵەتێكی نائاساییدا، هێزە ئەمنییەكان بەربەستی كۆنكرێتیان لەبەردەم باڵەخانەی باڵیۆزخانەی توركیا داناوە. 
ڕۆژی چوارشەممەی رابردوو 20ـی 07ـی 2022 هاوینە هەواری پەرەخ لە سنووری زاخۆ تۆپباران كرا و بەهۆیەوە 9 كەس شەهید بوون و 23 كەسی دیكەش برینداربوون كە سەرجەمیان گەشتیاری عەرەب بوون، ئەمەش كاردانەوەی زۆری بەدوای خۆی هێنا و توركیا تۆمەتبار كرا بە ئەنجامدانی هێرشەكە، لەبەرامبەریشدا توركیا تۆمەتەكانی ڕەتكردەوە.