خۆپیشاندەران وێستگەی شەمەندەفەری ناسرییەیان داخست

سەرچاوەیەكی خۆجێیی لە پارێزگای زیقار ئەمڕۆ یەكشەممە رایگەیاند، خەڵكی ئەو گوندانەی دەكەونە پشت ناوچەی شەمەندەفەر، بۆ یەكەمجار لە مێژووی خۆپیشاندانەكانی پارێزگاكەدا ، وێستگەی شەمەندەفەری ناسرییەیان داخست.
ئەو سەرچاوەیە بە میدیای عێراقی راگەیاندووە، خەڵكی گوندەكانی پشت ناوچەی شەمەندەفەر لە باشووری ناسرییە، وێستگەی شەمەندەفەری ناسرییەیان داخست .
سەرچاوەكە روونیكردۆتەوە كە داواكاری خۆپیشاندەران بۆ ئەوەیە كە دەیانەوێت لەو وێستگەیە دابمەزرێن.
سەرچاوەكە ئاماژەی بەوەشكرد، هێزە ئەمنییەكان كۆنتڕۆڵی شوێنەكەیان كردووەو لەگەڵ خۆپیشاندەران دانووستاندن دەكەن.