بارەگای بارزانی لەسەر سووکایەتیکردن بە پێشمەرگەیەکی کاکەیی لەلایەن چەند چەکدارێکی حەشدی شەعبی ئەمڕۆ یەکشەممە 24ـی 07ـی 2022 پەیامێکی بڵاو کردەوە و بەتووندی سەرکۆنەی ئەم کردەوەیە دەکات.
لە ڕاگەیەنراوەکەی بارەگای بارزانی هاتووە کە "زۆر بە تووندی سەرکۆنەی ئەو کارە ناڕەوا و نامەردانەیە دەکەین کە دەرهەق پێشمەرگەیەکی کوردی کاکەیی لەلایەن چەند کەسێکی سەر بە حەشدی شەعبی ئەنجام دراوە."
ئاماژەی بەوەش دا کە "ئەمە سووکایەتی و بێڕێزییە بە ئازادی و بیروباوەڕ و پێکەوەژیان."
بارەگای بارزانی لە ڕاگەیەنراوەکە پشتگیری خۆی بۆ کاکەییەکان دووپات کردۆتەوە و دەڵێت، "جەخت دەکەینەوە بە هەموو توانایەکمان پشتگیری خوشک و برا کاکەییەکانمانین."
کۆمێنت (0)
تا ئێستا هیچ کۆمێنتێک نەکراوە.