ڕۆژی دووشەممە 25ـی 07ـی 2022 لە سەڵاحەددین سەرۆک مەسعود بارزانی پێشوازی لە كلێمێنس زێمتنەر كونسوڵی گشتیی ئەڵمانیا لە هەولێر كرد كە بە بۆنەی كۆتاییهاتنی ئەركەكەی و بە مەبەستی ماڵئاوایی سەردانی سەرۆک بارزانی كردبوو.
لە دیدارەكەدا بارودۆخی سیاسی و دواپێشهاتەكانی عێراق و ناوچەكە تاوتوێ كرا و كونسوڵی گشتیی ئەڵمانیا لە هەولێر سوپاسی حكوومەت و دامەزراوەكانی دیکەی هەرێمی كوردستانی كرد كە لە ماوەی كاركردنیدا هاوكار و یارمەتیدرەری بوونە.
هەر لەو دیدارەدا كونسوڵی گشتیی ئەڵمانیا لە هەولێر سیاسەت و ئامادەیی وڵاتەكەی بۆ یارمەتیدانی حكوومەتی هەرێم لە بوارە جۆراوجۆرەكان و بە تایبەت بابەتی چاكسازی خستەڕوو.
کۆمێنت (0)
تا ئێستا هیچ کۆمێنتێک نەکراوە.