وهزارهتی پێشمهرگه رایگهیاند:کار لەسەر گێڕانەوەی لیوایەکی تر لە یەکەکانی 70 و 80 دەکرێت بۆ سەر وەزارەتی پێشمەرگە.
لهراگهیاندراوێكدا، وهزارهتی پێشمهرگهی حكوومهتی ههرێمی كوردستان بڵاویكردهوه:
لەچوارچێوەی پڕۆسەی چاکسازی وەزارەتی پێشمەرگە، بۆ یەکخستنەوە و رێکخستنەوەی هێزەکانی پێشمەرگە، بەڕێوەبەرایەتی گشتی تاکەکان و خۆبەخشەکان بە هەماهەنگی لەگەڵ بەرێوەبەرایەتی چاکسازی و راوێژکاری سەربازی وڵاتی هۆڵەندا بۆ وەزارەتی پێشمەرگە، کار بۆ گواستنەوەی لیوایەکی دیکەی هێزەکانی 70 و80 بۆ سەر وەزارەتی پێشمەرگە، دەکەن.
وهزارهتی پێشمهرگه ئاماژه بهوهشدهكات: بە سەرپەرشتی لیوا حیکمەت عومەر عوسمان بەڕێوەبەری گشتی تاکەکان و خۆبەخشەکانی وەزارەتی پێشمەرگە، ئامادەبوونی عەمیدی ئەندازیار نەبەز سەلاح سدیق بەڕێوەبەری چاکسازی و کۆڵۆنێڵ بارت راوێژکاری سەربازی وڵاتی هۆڵەندا بۆ وەزارەتی پێشمەرگە، کۆبوونەوەیەکیان ئەنجام دا.
لهبهشێكی دیكهی راگهیاندراوهكهدا هاتووه: کۆبوونەوەکە، بۆ هەڵسەنگاندنی میکانیزم و پلانی چاودێری کردنی گواستنەوەی پێشمەرگە و ئەفسەرانی هێزەکانی 70 و80 بوو، بۆ سەر وەزارەتی پێشمەرگە بە مەبەستی دروستکردنی لیوای 22ی پیادە، ئەمەش لە چوارچێوەی پرۆسەی یەکخستن و رێکخستنەوەی هێزەکانی 70و80یە، لە ژێر چەتری وەزارەتی پێشمەرگە.
شایەنی باسە، ئەم پرۆسەیە یەکێکە لەو هەنگاوانەی کەوتۆتە بواری جێبەجێ کردن لە پڕۆسەی چاکسازی وەزارەتی پێشمەرگەدا، کە تیمێکی بەڕێوەبەرایەتی چاکسازی بە هاوکاری و هەماهەنگی راوێژکارانی هێزەکانی هاوپەیمانان ئەنجامی دەدەن، ئەم پڕۆسەیە بەردەوام دەبێت، تا یەکخستنەوەی تەواوی هێزەکانی پێشمەرگە لە چوارچێوەی وەزارەتی پێشمەرگەدا.
شوان عهزیز
کۆمێنت (0)
تا ئێستا هیچ کۆمێنتێک نەکراوە.