هاتوچۆی هەولێر چەند بڕیارێكی سەبارەت بە تۆماركردنی هەزاران ئۆتۆمبێل دەركرد

لەبارەگای هاتووچۆی هەولێر و بەسەرپەرشتی عەمیدی ماف (دیدار عومەر قادر) بەڕێوەبەری هاتووچۆی هەولێر و پۆلێك لەئەفسەران و بەرپرسانی لیژنەكانی پشكنین و نوێنەرانی سەنتەرەكانی پشكنینی(PVI) ،كۆبوونەوەیەك بەڕێوەچوو ، سەبارەت بەچۆنییەتی جێبەجێكردنی بەیانی ژمارە(16)ی ساڵی 2022ی وەزارەتی ناوخۆی حكومەتی هەرێمی كوردستان ،(كەتایبەتە بەتۆماركردنی ئۆتۆمبێلە كێشەدارەكان لەڕووی مەرجی سەلامەتی) و لەكۆبوونەوەكە ئەم بڕیارانەی خوارەوە درا:-
1/ڕۆژی شەممەی داهاتوو كەدەكاتە30 /7/2022لە هەر سێ سەنتەری پشكنین(32ی پاڕك،گوێڕ،كەسنەزان) دەست بكرێت بەدووبارە پشكنینەوەی ئۆتۆمبێلەكان كە پێشتر پشكنینیان بۆ ئەنجامدرابوو ودەرنەچووبون.
2/بۆ ئەوەی لۆدو قەرەبالغی دروست نەبێت لەهەر یەكێك لەو سەنتەرانە، لەڕۆژانی شەممە300ئوتومبێل پشكنینی بۆئەنجام دەدرێت.
3/بەپێشوەختە لەڕاگەیاندنەكانەوە لیستی ئەو ئوتومبێلانە دیاری دەكرێن و ڕۆژی سەردانیان و شوێنەكەیان بۆ دیاری دەكرێت،واتە سەردانیكردنی سەنتەرەكان بەپێی سیستەم دەبێت و هەر ئۆتۆمبێلێك لەكات و شوێنی دیاریكراوی خۆی سەردان نەكات پشكنینەكەی بۆ ئەنجام نادرێت.
4/ئەو ئۆتۆمبێلانەی كە پشكنینی دووبارەیان بۆ دەكرێتەوە لەسەنتەری پشكنینی( 32ی پاڕك) ،دەبێت بۆر ِۆژی یەكشەممەی دواتر سەردانی هاتووچۆی هەولێر بكەن لەكاتژمێر(2)ی پاش نیوەڕۆ بۆ تۆماركردنی ئۆتۆمبێلەكانیان.
5/ئەو ئوتومبێلانەی كەپشكنینی دووبارەیان بۆ دەكرێتەوە لەسەنتەری پشكنینی( كەسنەزان) ،دەبێت بۆ ڕۆژی دووشەممەی دواتر سەردانی هاتووچۆی هەولێر بكەن لەكاتژمێر(2)ی پاش نیوەڕۆ بۆتۆماركردنی  ئوتومبێلەكانیان.
6/ئەو ئۆتۆمبێلانەی كە پشكنینی دووبارەیان بۆ دەكرێتەوە لەسەنتەری پشكنینی( گوێڕ) ،دەبێت بۆڕۆژی سێشەممەی دواتر سەردانی هاتووچۆی هەولێر بكەن لەكاتژمێر(2)ی پاشنیوەڕۆ بۆ تۆماركردنی ئۆتۆمبێلەكانیان.
7/هەر ئۆتۆمبێلێك كەشوێنی خۆی و بەڕواری سەردانیكردنی خۆی بۆدیاری دەكرێت، دەبێت لەو بەڕوارە سەردان بكات ئەگەرنا دوادەخرێت تاكۆتایی پڕۆسەكە.