بەپێی ئامارێكی بەرێوبەرایەتی گشتی تەندروستی سلێمانی لەماوەی مانگی ڕابردوودا لیژنەكانی چاودێری تەندروستی 4.185 سەردانیان بۆ بازاڕەكان و ماركێتەكان و شوێنە جیاجیاكانی شاری سلێمانی ئەنجام داوە بەمەبەستی دڵنیابوونەوە لەمەرج و ڕێنماییە تەندروستیەكان و ڕێگری كردن لەساغكردنەوەی خۆراك و كەلوپەلی نەشیاو بۆ بەكارهێنان.
لەو ماوەیەدا لیژنەكانی چاودێری تەندروستی سلێمانی 1954 شوێنیان ئاگاداركردۆتەوە و 157 شوێنیان غەرامە كردووە و 27 شوێنیان داخستووە بەهۆی پابەندنەبوون بەمەرج و رێنماییە تەندروستیەكان و هەروەها 431 مۆڵەتیان بەخشیوە و 103 مۆڵەتیان پووچەڵكردۆتەوە.
مانگی ڕابردوو لیژنەكانی چاودێری تەندروستی سلێمانی دەستیان گرتووە بەسەر بڕی 1140 كیلۆگرام خواردن و 1370 لیتر خواردنەوە و بڕێك كەلوپەل كەشیاو نەبووە بۆ بەكارهێنان و سەرجەمیان لەناوبراون.
کۆمێنت (0)
تا ئێستا هیچ کۆمێنتێک نەکراوە.