باڵیۆزی به‌ریتانیا له عێراق له میانه‌ی كۆبوونه‌وه‌یه‌ك له‌گه‌ڵ وه‌زیری سامانه سروشتییه‌كانی حكوومه‌تی هه‌رێمی كوردستان، ڕایگه‌یاند كه وڵاته‌كه‌ی ئاماده‌یه له دانوستانه‌كانی هه‌ولێر و به‌غدا بۆ چاره‌سه‌ركردنی كێشه‌كان به‌شداری بكات.
ئه‌مڕۆ چوارشه‌م کەمال محه‌مه‌د ساڵح وەزیری سامانە سروشتییەکان (بەوەکالەت) پێشوازیی لە مارک بارسۆن ریچاردسۆن باڵیۆزی بەریتانیا لە عێراق و دەیڤێد هانت کونسوڵی گشتی بەریتانیا لە هەرێمی کوردستان کرد.
لە دیدارەکەدا باڵیۆزی بەریتانیا پشتگیری لە دانوستانەکانی نێوان هەولێر و بەغدا بۆ چارەسەرکردنی کێشەی نەوت و گاز و بەردەوامبوونی کارکردنی کۆمپانیاکانی نەوت و گاز دەربڕی.
وەزیری سامانە سروشتییەکان بە شاندەکەی راگەیاند: نەوت و گازی هەریمی کوردستان بۆ دابینکردنی مووچە و پرۆژەکان و بەرهەمهێنانی کارەبا و ژێرخانی ئابووریی هەرێم بەکاردێت.
باڵیۆزی بەریتانیا ئامادەیی وڵاتەکەی بە بەشداریکردن و پاڵپشتی بۆ دانوستانەکانی نێوان هەولێر و بەغدا بەتایبەتی بۆ دەرکردنی یاسای نەوت و گازی فیدراڵی لە ئایندەدا نیشان دا.
کۆمێنت (0)
تا ئێستا هیچ کۆمێنتێک نەکراوە.