سەرۆكی پەرلەمانی عێراق پاڵپشتی لە دەستپێشخەرییەكەی مستەفا كازمی دەكات

محەمەد حەلبوسی، سەرۆكی ئەنجوومەنی نوێنەرانی عێراق، پاڵپشتی خۆی بۆ ئەو دەستپێشخەرییە راگەیاند كە مستەفا كازمی، سەرۆكوەزیران، بە ئامانجی دۆزینەوەی رێگاچارەیەك بۆ قەیرانی ئێستا خستوویەتەڕوو.
محەمەد حەلبوسی لە تویتێكدا نووسیوویەتی :پاڵپشتی لەو دەستپێشخەرییە دەكەین كە مستەفا كازمی لەبارەی دۆزینەوەی رێگاچارەیەك بۆ رووداوەكانی ئێستای وڵات راگەیاندووە".
راشیگەیاندووە ،جەخت دەكەینەوە لەسەر گرنگی دانیشتنی هەموو لایەنە سیاسییەكان لەسەر مێزی گفتوگۆ، هەروەها بەردەوامیدان بە هەنگاوە كردەییەكان بۆ چارەسەركردنی قەیرانەكە، تا ئەو كاتەی بەپێی كاتێكی دیاریكراو، هەڵبژاردنەكانی ئەنجوومەنی نوێنەران و ئەنجوومەنی پارێزگاكان ئەنجام دەدرێن.