راوێژکاری سەربازی وەزارەت و بەرپرسی راوێژکارانی سەربازی ئەڵمانیا کۆبوونەوە.
لهراگهیاندراوێكدا، وهزارهتی پێشمهرگهی حكوومهتی ههرێمی كوردستان رایگهیاند: ئهمڕۆ سێشهممه 2 ى 8 ى 2022، لیوا روکن ئیبراهیم ساڵح عبدولرەحمان راوێژکاری وەزارەتی پێشمەرگە، پێشوازی کرد لە کۆڵۆنێڵ د.جان راوێژکاری باڵی پزیشکی هێزەکانی ئەڵمانیا لە هەرێم و شاندی یاوەری.
لەدیدارێکدا، کۆڵۆنێڵ د.جان کۆتایی ئەرکەکەی لەهەرێم و وەزارەتی پێشمەرگە بە راوێژکاری وەزارەت راگەیاند و ئاشکراشیکرد: بەم نزیکانە جێگرەوەکەی دەگاتە هەرێم و لەشوێنی ئەو دەستبەکار دەبێت.
راوێژکاری وەزارەت، ستایشی ئەرک و ماندووبوونی ماوەی رابردووی کۆڵۆنێڵ د.جان ـی کرد و هیوای خواست لەئەرکی داهاتووی سەرکەوتوبێت.
راوێژکاری سەربازی وەزارەت، دووپاتی کردەوە، هاوکاریی و هەماهەنگییە بەردەوامەکانی هاوپەیمانان بەگشتی و تیمی راوێژکارانی ئەڵمانیا بەدیاریکراوی، رۆڵی گرنگ و کاریگەریان لەپێشخستن و سەرخستنی پڕۆسەی چاکسازی وەزارەت و هەنگاوە یەک بەدوای یەکەکانی وەزارەت هەبووە، بۆئەمەش داوای کرد، لەداهاتوودا ئەو هەماهەنگی و هاوکاریانە بەردەوام بێت و چوارچێوەی کاری پێکەوەیی فراوانتر بکرێت.
کۆمێنت (0)
تا ئێستا هیچ کۆمێنتێک نەکراوە.