كۆمسیۆنی باڵا رەتیدەكاتەوە هیچ وادەیەكیان بۆ هەڵبژاردنی پێشوەختە دیاری كردبێت

لە ژێر رۆشنایی ئەو دابەشبوونە سیاسییەی كە لەعێراقدا هەیە كۆمیسیۆنی باڵای سەربەخۆی هەڵبژاردنەكانی ئەو وڵاتە رەتیدەكاتەوە هیچ وادەیەكیان بۆ هەڵبژاردنی پێشوەختە دیاری كردبێت.
لەوبارەیەوە جومانە غەلای، وتەبێژی كۆمسیۆنی باڵای كۆمسیۆن، ، بە ئاژانسی هەواڵی عێراقی راگەیاندووە، كۆمسیۆنەكە دامەزراوەیەكی پیشەیی بێلایەنە و ئەو بڕیارانە جێبەجێ دەكات كە سەبارەت بە هەڵبژاردن و ریفراندۆم و بابەتەكانی دیكەی پەیوەست بە كاری هەڵبژاردنەوە دەردەچن.
ئاماژەی بەوەشكردووە، دەستەی كۆمسیاران، دەسەڵاتی باڵایە لە كۆمیسیۆنی هەڵبژاردنەكان و پەیوەندیارە بە دیاریكردنی وادە، یان ئەو ماوەیەی كە پێویستە بۆ ئەنجامدانی هەر پرۆسەیەكی هەڵبژاردن بە راوێژ لەگەڵ حكومەت .
ئاماژەی بەوەشكردووە، دەستەی كۆمسیاران هیچ بڕیار و لێدوانێكی لەم بارەیەوە دەرنەكردووە.
دوێنێَ موقتەدا سەدر،رێبەری رەوتی سەدر دەستی بە زنجیرەیەك هەڵوێستی نوێی كرد كە بە پەرەسەندن وەسف دەكرێت، هەروەها باسی لەوەشكرد كە هەڵوەشاندنەوەی پەرلەمانی عێراق بووەتە داوایەكی سیاسی و جەماوەری كە هیچ بەدیلێكی نییە.