کۆڵبەرێکی خەڵکی بانە بە ناوی هەژار فەرەجی تەمەن 29 ساڵ سەرلەبەیانی ڕۆژی یەکشەممە 7 ی 8 ی 2022، بە تەقەی ڕاستەوخۆی هێزە ئه‌منییه‌كانی ئێران کوژرا.
بەگوێرەی هەواڵی گەیشتوو بە ڕێکخراوی مافی مرۆڤی هەنگاو، هێزە ئه‌منییه‌كانی ئێران لە سنووری سارداو بە بی هیچ ئاگادارکردنەوەیەک، تەقەیان لە هەژار فەرەجی کردووە و لە ئاکامدا گولـله بەر سینگی ناوبراو کەوتووە و گیانی لە دەست داوە.
هەژار فەرەجی سەڵت بووە و تەرمەکەی ئه‌مڕۆ دووشه‌ممه 8 ى 8 ى 2022، لە گوندی زەربنە بە خاک دەسپێردرێ.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی پێنج مانگی ڕابردوودا لانی کەم 6 کۆڵبەر لە سنووری بانە بە تەقەی هێزە ئه‌منییه‌كانی ئێران کوژراون.
کۆمێنت (0)
تا ئێستا هیچ کۆمێنتێک نەکراوە.