لقی دابەشکردنی کارەبای زیقار رایگەیاند کە بۆ رۆژی سێیەمە لەسەر یەکتر، کوژانەوەی گشتیی کارەبای نیشتمانیی لە ژمارەیەک پارێزگای باشووری عێراق روو دەدات.
لقی دابەشکردنی کارەبای زیقار لە راگەیەندراوێکدا ئاماژەی بەوەداوە کە بۆ جاری سێیەمە لەسەر یەکتر کوژانەوەی گشتیی کارەبای نیشتمانیی (Shut Down) لە ژمارەیەک پارێزگای باشوور لەنێویاندا پارێزگای زیقار روودەدات، بێ ئەوەی ھۆکارەکەی بخاتەڕوو.
ھاوکات ئاژانسی ھەواڵیی فەرمی عێراق بڵاوی کردەوە، تەقینەوەیەکی گەورە لە وێستگەی خور زوبێر روویداوە کە بەھۆیەوە کارەبای نیشتمانیی لە پارێزگاکانی بەسرە، میسان، زیقار و واست کوژاوەتەوە.
ئاماژەی بەوەیشداوە کە لەئێستادا، تیمەکانی سەربە فەرمانگەکانی کارەبا، ھەوڵەکانیان بۆ چارەسەرکردنی کێشەی کارەبا لەو پارێزگایانە خستووەتەگەڕ.
کۆمێنت (0)
تا ئێستا هیچ کۆمێنتێک نەکراوە.