سه‌رۆکی هه‌رێمی کوردستان پیرۆزبایی له‌ پارتی سۆسیالیست دیموکراتی کوردستان ده‌کات

سەرۆکی هەرێمی کوردستان ئەمڕۆ دووشەممە 08ـی 08ـی 2022 لە یادی 46 ساڵی پارتی سۆسیالیست دیموکراتی کوردستان پەیامێکی پیرۆزبایی ئاراستەی ئەو پارتە دەکات.

نێچیرڤان بارزانی سەرۆکی هەرێمی کوردستان لە پەیامەکەیدا ڕایگەیاند: له‌م ياده‌دا بە ڕێزەوە لە خه‌بات و قوربانییەکانتان ده‌ڕوانين و‌ ڕۆڵ و هه‌وڵه‌كانى به‌ڕێزتان و حزبی سۆسیالیست دیموکراتی کوردستان له‌پێناو ته‌بایی و پێكه‌وه‌يى و يه‌كڕيزيى نێوان هێز و لایه‌نه‌ سياسييه‌كانى کوردستاندا به‌رز هه‌ڵده‌سه‌نگێنين.

دەقی پەیامەکەی سەرۆکی هەرێمی کوردستان:-

بەڕێز محەمەدی حاجی مەحموود

سکرتێری گشتیی حزبی سۆسیالیست دیموکراتی کوردستان

يادى چل و شه‌ش ساڵه‌ى دامه‌زراندنى حزبی سۆسیالیست دیموکراتی کوردستان، بە گەرمی لە بەڕێزتان و سەرکردایەتی و ئەندامان و لایەنگران و جه‌ماوه‌رى حزبه‌ تێكۆشه‌ره‌كه‌تان پيرۆز ده‌كه‌ين، هیوای سەرکەوتنان بۆ ده‌خوازين.

له‌م ياده‌دا بە ڕێزەوە لە خه‌بات و قوربانییەکانتان ده‌ڕوانين و‌ ڕۆڵ و هه‌وڵه‌كانى به‌ڕێزتان و حزبی سۆسیالیست دیموکراتی کوردستان له‌پێناو ته‌بایی و پێكه‌وه‌يى و يه‌كڕيزيى نێوان هێز و لایه‌نه‌ سياسييه‌كانى کوردستاندا به‌رز هه‌ڵده‌سه‌نگێنين.

هیوادارين خزمەتكردنى بەرژەوەندی و ئامانجە باڵاکان و به‌ديهێنانى داهاتوويه‌كى باشتر بۆ هه‌رێمى كوردستان، كۆكه‌ره‌وه‌ى هه‌موو لايه‌نه‌ سياسييه‌كان و پێكهاته‌كان بێت.

نێچیرڤان بارزانی

سەرۆکی هەرێمی کوردستان

2022/8/8