بەرەبەیانی ڕۆژی یەکشەممە14 ى 8 ى 2022، لانی کەم سێ هاووڵاتیی خەڵکی گوندی بێمزورتێ سەر بە شاری شنۆ بە ناوەکانی زاهیر مورادی تەمەن 23 ساڵ، ئارەش پیری تەمەن 22 ساڵ و هیوا میرزایی تەمەن 23 ساڵ لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرانەوە.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، هێزە ئەمنییەکان هەڵیانکوتاوەتە سەر ماڵی هەر یەک لە زاهیر مورادی، ئارەش پیری و هیوا میرزایی ئەم سێ هاووڵاتییەیان بە بێ پیشاندانی هیچ جۆرە بەڵگەیەکی یاسایی دەستبەسەر کردووە.
هەتا کاتی ئامادە کردنی ئەم هەواڵە، زانیارییەکی ورد لە سەر هۆکاری دەستبەسەرکران و ئەو تۆمەتانەی کە خراونەتە پاڵ ئەم سێ کەسە لە بەر دەستدا نییە.
کۆمێنت (0)
تا ئێستا هیچ کۆمێنتێک نەکراوە.