بەبۆنەی16ی ئاب یادی دامەزراندنی 76مین ساڵیادی پارتی دیموکراتی کوردستان، حزبی پارتی ئەنجوومەنی نەتەوەیی کەلدانی پەیامێکی پیرۆزبایی ئاراستەی جەنابی سـەرۆک مەسعوود بارزانـی و ئەندامانی مەکتەبی سیاسی و ئەنجوومەنی سەرکردایەتی پارتی دیموکراتی کوردستان کرد.
رێزدار / جەنابی سـەرۆک مەسعوود بارزانـی سەرۆکی پارتی دیموکراتی کوردستان
بەڕێزان/ ئەندامانی مەکتەبی سیاسی و ئەنجوومەنی سەرکردایەتی پارتی دیموکراتی کوردستان
بابەت/ بروسکەی پیرۆزبایی سڵاوێکی گەرم
بە بۆنەی (٧٦)مین ساڵیادی دامەزراندنی پارتی دیموکراتی کوردستان کە ھاوکاتە لەگەڵ رۆژی لەدایکبوونی مەرجەعی باڵای کوردستان، گەرمترین پیرۆزبایی خۆمان ئاراستەی جەنابی سەرۆک (مەسعوود بارزانی)و مەکتەبی سیاسی و ئەنجوومەنی سەرکردایەتی و کادیر و ئەندامان و لایەنگران و بنەماڵە و کەسوکاری سەربەرزی شەھیدان و ئەنفالکراوان و پێشمەرگە قارەمانەکان دەکەین.
دامەزراندنی پارتی دیموکراتی کوردستان لە ١٦ی ئابی ١٩٤٦ وەک یەکەمین پارتی سیاسی جەماوەری کە ٧٦ ساڵ پێش ئێستا بە ڕابەرایەتی باوکی روحی نەتەوەیی کورد و کوردستان (بارزانی نەمر) پێی نایە ناو گۆڕەپانی خەباتی ڕزگاریخوازی نەتەوەیی لـە پێناو گەیشتن بە مافە ڕەواکانی گەلی کوردستان و مێژوویەکی پـڕ لە سەروەریی لە مێژووی خەباتی سیاسی خۆیدا تۆماری کردووە و لەو ماوەیەشدا دەیان ڕۆڵەی گەلی کەلدانی شان بەشانی برا کوردەکان بۆ پاراستنی سەروەری گەل و خاک و نیشتمان گیانی پاکیان کردووەتە قوربانی و شەھیدانی گوندی (ڵۆریا) بە نموونە.
ئەمڕۆ عێراق بەھۆی کێشە و گیروگرفتە کەڵەکەبووەکانەوە لە بەردەم قۆناغێکی ھەستیار و گرنگدایە بۆیە پێویستە لەسەر ھەموو ھێزو لایەنە سیاسیەکان ناکۆکیەکان وەلاوە بنێن و بەھەستی بەرپرسیاریەتی و بە یەکگرتوویی بۆ چارەسەرکردنی کێشەکان و بنبڕکردنی قەیرانەکان و چەسپاندنی بنەماکانی تەوافوق و ھاوسەنگی و بەشداری ھەموو پێکھاتەکان و دانان بەتەواوی مافە نەتەوایەتی بەتایبەتی نەتەوەی کەلدانی بەپێی بنەما یاسایی و دەستوورییەکان.
پیرۆز بێت (76)مین ساڵیادی دامەزراندنی پارتی دیموکراتی کوردستان
مەکتەبی سیاسی
پارتی ئەنجوومەنی نەتەوەیی کەلدانی
کۆمێنت (0)
تا ئێستا هیچ کۆمێنتێک نەکراوە.