وەزیرەكەی سەدر هێزەكانی سەر بە چوارچێوەی هەماهەنگی بە سێیەكی نەگبەت وەسف دەكات

ئەمڕۆ سێشەممە، ساڵح محەممەد عێراقی، وەزیری ڕێبەری ڕەوتی سەدر، پەیامێكی توندی ئاراستەی هێزەكانی سەر بە چوارچێوەی هەماهەنگی كرد و بە "سێیەكی نەگبەت" وەسفیان دەكات.
هەروەها دەڵێت:ئەوان یاری بەئاگر دەكەن ، ئێمەش بە شێوەیەكی ئاشتیانە خۆپیشاندان دەكەین ، ئەوانیش بە توندوتیژی دژی خزمەتگوزارییە ئەمنییەكان و ئەوانی دیكە خۆپیشاندان دەكەن.
دەشڵێت: كاتێك ئێمە خۆپیشاندان دەكەین، دەمانەوێت چاكسازی لە سیستەمەكەدا بكەین، ئەوانیش دژی چاكسازی و دژی سەرۆك وەزیران خۆپیشاندان دەكەن. 
وەزیرەكەی سەدر ئاماژەی بۆ ئەوەش كردووە كە نابێت هەڵوێستی مەرجەعییەت لەبیر بكەن كە گوتبووی: تاقیكراوەكان تاقی ناكرێنەوە.