کۆڵبەرێکی گەنجی خەڵکی بانە بە ناوی ڕەحیم محەممەدی ته‌مه‌ن 37 ساڵ شەوی هەینی 19 ی 8 ی 2022، بە تەقەی هێزە ئه‌منییه‌كانی ئێران لە سنووری هەنگەژاڵی له‌سنووری كوردستان كوژرا.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕەحیم محەممەدی کە خێزاندار و باوکی دوو منداڵیشە، بە چەکی کڵاشینکۆف تەقەی لێکراوە و سینگ و دڵی پێکراوە.
تەرمی ئەم کۆڵبەرە ڕەوانەی نەخۆشخانەی سەلاحەدینی ئەیووبی شاری بانە کراوە.
هەنگاو زانیویەتی کە ڕەحیم محەممەدی خەڵکی گوندی هۆرزە و دانیشتووی گوندی کەوپێچی خواروو بووە.
کۆمێنت (0)
تا ئێستا هیچ کۆمێنتێک نەکراوە.