جێگری دووەمی سەرۆکی ئەنجوومەنی نوێنەرانی عێراق جەخت دەکاتەوە کە ھەر دانیشتنێکی پەرلەمان ئەنجام بدرێت، گریمانەی پێکدادان و ئاڵۆزی زیاتری ڕەوشەکە ھەیە.
د. شاخەوان عەبدوڵڵا، جێگری سەرۆکی پەرلەمانی عێراق بە ماڵپەڕی فەرمیی پارتی دیموکراتی کوردستانی راگەیاند: خۆپیشاندەران ھێشتا لەنێو پەرلەمانی عێراق و لەبەر ئەوەش نامانەوێ ئێستا ھیچ کۆبوونەوەیەکی پەرلەمان بەڕێوەبچێت، لەبەر ئەوەی ھەر کۆبوونەوەیەک بکرێت گریمانەی پێکدادان و ئاڵۆزی زیاتری رەوشەکە ھەیە، بەڵام ئەگەر رەوشەکە ھەر بەردەوامی ھەبێت دواجار پەرلەمان بڕیاری خۆی دەدات..
ڕاشیگەیاند: ھیچ داوایەک بەشێوەیەکی فەرمیی بۆ کۆبوونەوەی پەرلەمان لە ھەولێر نەگەیشتووتە دەستەی سەرۆکایەتی پەرلەمان، ئێستاش ھەم پەرلەمان وەستاوە و ھەمیش ئەنجوومەنی پارێزگاکان نەماون، حکوومەتیش بەتەواوەتی دەستی کراوەیە لە بابەتی گەندەڵی، ئێمە چاوەڕێین لەڕووی سیاسیەوە ڕەوشەکە ھێور ببێتەوە.
جێگری سەرۆکی پەرلەمانی عێراق ئاماژەی بەوەش دا کە "دەبێت قەناعەت بۆ لایەنی سەدری دروست بکرێت، چونکە ئەگەر ڕەوشەکە لەڕووی سیاسەوە چارەسەری بۆ نەکرێت ھەر چارەسەرێک کاتی دەبێت و دواتر گرژیەکان بەردەوام دەبێت، ئەگەر بێت و لەڕووی سیاسیەوە لایەنەکان بگەنە ڕێککەوتن ئەوە پەرلەمان ھەر لە بەغدا کۆ دەبێتەوە."
کۆمێنت (0)
تا ئێستا هیچ کۆمێنتێک نەکراوە.