شارەزایەكی كەشناسی عێراق : وادەی دەستپێكردنی وەرزی پاییز دیاریدەكات

ئەمڕۆ سێشەممە23 -8-2022، سادق عەتیە، پێشبینیكەری كەشناسی عێراق، وادەی كۆتایی هاتنی شەپۆلەكانی گەرما و دەستپێكردنی وەرزی پاییز-ی دیاریكرد.
 عەتیە لە ڕوونكردنەوەیەكدا ڕایگەیاندووە، ماوەی چەند ڕۆژێكە پلەكانی گەرما لە زۆربەی شارەكانی عێراق و بەتایبەتی ناوچەی ڕۆژئاوا لە خوار ئاستی مامناوەندەوە بووە.
ئاماژەی بەوەشكرد، تا سەرەتای هەفتەی داهاتوو لەم حاڵەتەدا بەردەوام دەبێت.
هەروەها عەتیە پێشبینی كردووە كە دوای ئەوە، پلەكانی گەرما بۆ چەند ڕۆژێك بە ڕێژەیەكی بەرچاو لە سەرووی تێكڕا بەرز دەبنەوە، لەگەڵ نزیكبوونەوەی ماڵئاوایی لە هاوینی گەرم و هاتنە ناوەوەی وەرزی پاییز لە 1ی ئەیلول.