ئەنجومەنی باڵای دادوەری عێراق كارەكانی هەڵدەپەسێرێت

ئەمڕۆ سێشەممە، ئەنجومەنی باڵای دادوەری بەهۆی خۆپیشاندانی لایەنگری رەوتی سەدری لەبەردەم بیناكەیان بڕیاریدا كارەكانی ڕابگرێت.
راگەیاندنی دادوەری لە بەیاننامەیەكدا ڕایانگەیاندووە، بەیانی ئەمڕۆ ئەنجومەنی باڵای دادوەری و دادگای باڵای فیدراڵی بە شێوەی راستەوخۆ و ئەلیكترۆنی كۆبوونەتەوە، ئەوەش دوای دانیشتنی ئاشكرای خۆپیشاندەرانی رەوتی سەدرییەكان دێت كە لەبەردەم ئەنجومەنی باڵای دادوەری گردبوونەتەوەو داوای هەڵوەشاندنەوەی ئەنجومەنی نوێنەران دەكەن .
لە راگەیەندراوەكەدا ئاماژە بەوەشكراوە، لە كۆبوونەوەكەدا بڕیاردرا بە راگرتنی كارەكانی ئەنجومەنی باڵای دادوەری و دادگاكانی سەر بە ئەو و دادگای باڵای فیدراڵی وەك ناڕەزایەتییەك بەرامبەر بەم كردەوە نادەستووری و پێشێلكارانەی یاسا.
هەروەها ئەنجومەنی باڵای دادوەری حكومەت و لایەن سیاسییەكان لە دەرئەنجامەكانی ئەم ڕەفتارە بە بەرپرسیار دەزانێ.